*'सिंहगड' पंढरपूरच्या सिव्हिल इंजिनिअरिंग विभागात "स्ट्रक्चरल ऍनालिसिस अँड डिझाईन युजींग स्टॅड प्रो" या विषयावर साप्ताहिक कार्यशाळा संपन्न.*
पंढरपूर: प्रतिनिधी
एस.के.एन. सिंहगड अभियांत्रिकी महाविद्यालय कोर्टी, पंढरपूर येथील स्थापत्य अभियांत्रिकी विभागामध्ये तृतीय वर्षात शिक्षण घेणाऱ्या विद्यार्थ्यांसाठी आयोजित "स्ट्रक्चरल ऍनालिसिस अँड डिझाईन युजींग स्टॅड प्रो" या विषयावर "स्टॅड प्रो" हे सॉफ्टवेअर वापरुन स्टील आणि आर सी सी बिल्डिंगचे स्ट्रक्चरल एनालिसिस व डीजाईन तयार करण्याच्या संकल्पनेला प्रात्यक्षिकासह समजून घेण्यासाठी सदर साप्ताहिक कार्यशाळेचे आयोजन करण्यात आले होते व सदर कार्यशाळा यशस्वीपणे संपन्न झाली असल्याची माहिती स्थापत्य अभियांत्रिकी विभागाचे प्रमुख डॉ. श्रीगणेश कदम यांनी दिली.
ही कार्यशाळा महाविद्यालयाचे प्राचार्य डॉ. कैलाश करांडे यांच्या प्रकल्पाधारीत शिक्षण या संकल्पनेतून, विभागप्रमुख डॉ. श्रीगणेश कदम व अधिष्ठाता डॉ. चेतन पिसे यांच्या मार्गदर्शनाखाली, समन्वयक प्रा. गणेश लकडे यांच्या नियोजनातून आयोजित करण्यात आली होती.
या कार्यशाळेत सहभागी झालेल्या ४२ विद्यार्थ्यांना कॅडडेस्क, बालाजीनगर, पुणे येथील तज्ञ मार्गदर्शक श्री पराग देशमुख यांचे मार्गदर्शन लाभले.
सदर कार्यशाळा यशस्वी करण्यासाठी स्थापत्य अभियांत्रिकी विभागातील प्रा गणेश लकडे, प्रा. सुजित राठोड इतर शिक्षक व शिक्षकेत्तर कर्मचाऱ्यांनी परिश्रम घेतले.
पोस्ट्स
