एस. के. एन. सिंहगड अभियांत्रिकी महाविद्यालयात इलेक्ट्रॉनिक्स व दूरसंचार अभियांत्रिकी विभागाचा पाच दिवसीय कौशल्यवर्धन कार्यक्रम उत्साहात संपन्न

 एस. के. एन. सिंहगड अभियांत्रिकी महाविद्यालयात इलेक्ट्रॉनिक्स व दूरसंचार अभियांत्रिकी विभागाचा पाच दिवसीय कौशल्यवर्धन कार्यक्रम उत्साहात संपन्न



पंढरपूर (कोर्टी), प्रतिनिधी :

एस. के. एन. सिंहगड अभियांत्रिकी महाविद्यालय, कोर्टी (ता. पंढरपूर) येथील इलेक्ट्रॉनिक्स व दूरसंचार अभियांत्रिकी विभाग तसेच इन्स्टिट्यूशन ऑफ इलेक्ट्रॉनिक्स अँड टेलिकम्युनिकेशन इंजिनिअर्स (आय.ई.टीी.ई.) यांच्या संयुक्त विद्यमाने तृतीय वर्ष बी.टेक. (इलेक्ट्रॉनिक्स व दूरसंचार) विद्यार्थ्यांसाठी " आर्डुइनो, ईएसपी-३२ आणि थिंगस्पीकच्या साहाय्याने इंटरनेट ऑफ थिंग्ज (IoT) प्रणाली रचना व क्लाउड एकत्रीकरण " या विषयावरील पाच दिवसीय कौशल्यवर्धन कार्यक्रम दि. २८ जुलै ते १ ऑगस्ट २०२६ या कालावधीत उत्साहात व यशस्वीरीत्या संपन्न झाला. या कार्यक्रमात ७० हून अधिक विद्यार्थ्यांनी उत्स्फूर्त सहभाग नोंदविला.

अभियांत्रिकी विद्यार्थ्यांमध्ये आधुनिक तंत्रज्ञानाचे व्यावहारिक ज्ञान विकसित करणे, उद्योगाभिमुख कौशल्ये वाढविणे आणि प्रत्यक्ष प्रयोगांद्वारे आत्मविश्वास निर्माण करणे हा या कार्यक्रमाचा प्रमुख उद्देश होता. कार्यक्रमामध्ये विद्यार्थ्यांना आर्डुइनो, ईएसपी-३२, विविध सेन्सर्सचे इंटरफेसिंग, इंटरनेट ऑफ थिंग्ज प्रणालीची रचना, क्लाउड प्लॅटफॉर्मशी जोडणी, थिंगस्पीकच्या साहाय्याने प्रत्यक्ष माहितीचे निरीक्षण तसेच इंटरनेट ऑफ थिंग्ज आधारित प्रकल्पांची निर्मिती याविषयी सैद्धांतिक आणि प्रात्यक्षिक स्वरूपात सखोल मार्गदर्शन करण्यात आले.

या कार्यक्रमासाठी एंजल टेक्नोहब, कोल्हापूर येथील तज्ज्ञ प्रशिक्षक श्री. उमेश इनामदार यांनी विद्यार्थ्यांना मार्गदर्शन केले. त्यांनी आधुनिक इंटरनेट ऑफ थिंग्ज तंत्रज्ञान, एम्बेडेड प्रणाली, क्लाउड प्लॅटफॉर्म आणि प्रत्यक्ष हार्डवेअर प्रयोगांद्वारे विद्यार्थ्यांना उद्योगात आवश्यक असलेली कौशल्ये आत्मसात करण्यासाठी प्रशिक्षण दिले. त्यांच्या प्रभावी मार्गदर्शनामुळे विद्यार्थ्यांना आधुनिक तंत्रज्ञानाची प्रत्यक्ष अंमलबजावणी समजून घेण्यास मोठी मदत झाली.

प्रशिक्षणादरम्यान प्रत्येक विद्यार्थ्याला आर्डुइनो आणि ईएसपी-३२ विकास संचांचा वापर करून प्रत्यक्ष प्रयोग करण्याची संधी उपलब्ध करून देण्यात आली. विद्यार्थ्यांनी विविध सेन्सर्सद्वारे माहिती संकलित करणे, ती क्लाउडवर पाठविणे, प्रत्यक्ष माहितीचे निरीक्षण करणे आणि इंटरनेट ऑफ थिंग्ज आधारित लघुप्रकल्प विकसित करणे याचा प्रत्यक्ष अनुभव घेतला. त्यामुळे विद्यार्थ्यांच्या तांत्रिक संकल्पना अधिक स्पष्ट झाल्या. त्यांच्या प्रोग्रामिंग कौशल्यात, समस्या सोडविण्याच्या क्षमतेत, नाविन्यपूर्ण विचारसरणीत आणि उद्योगाभिमुख दृष्टीकोनात लक्षणीय वाढ झाली.

या कौशल्यवर्धन कार्यक्रमाच्या यशस्वी आयोजनासाठी वर्ग समन्वयक प्रा. महेश झाडे यांनी विशेष परिश्रम घेतले. कार्यक्रमाचे एकूण नियोजन व समन्वय प्रा. अविनाश डी. हराळे यांनी केले. विभागप्रमुख डॉ. अल्ताफ ओ. मुलाणी, उपप्राचार्य डॉ. स्वानंद जी. कुलकर्णी तसेच प्राचार्य डॉ. कैलाश जे. करांडे यांनी कार्यक्रमासाठी मार्गदर्शन केले. विद्यार्थ्यांनी अशा कौशल्यवर्धक आणि उद्योगाभिमुख उपक्रमांचा अधिकाधिक लाभ घेऊन आधुनिक तंत्रज्ञानामध्ये प्राविण्य मिळवावे, असे आवाहन त्यांनी केले.

हा कौशल्यवर्धन कार्यक्रम विद्यार्थ्यांच्या तांत्रिक ज्ञानात भर घालणारा, प्रत्यक्ष प्रकल्प विकसित करण्याचा आत्मविश्वास वाढविणारा आणि उद्योगाभिमुख कौशल्ये विकसित करणारा ठरला. कार्यक्रमातून विद्यार्थ्यांना आधुनिक इंटरनेट ऑफ थिंग्ज तंत्रज्ञानाची सखोल माहिती मिळाली असून भविष्यातील रोजगार, उद्योजकता आणि संशोधनासाठी हा उपक्रम अत्यंत उपयुक्त ठरेल, असा विश्वास विद्यार्थ्यांनी व्यक्त केला.

टिप्पणी पोस्ट करा

0 टिप्पण्या
* Please Don't Spam Here. All the Comments are Reviewed by Admin.

ADVERTISEMENT BANNER

📣
येथे आपली जाहिरात द्या
लाखो मराठी वाचकांपर्यंत आपला व्यवसाय
व ब्रँड पोहोचवा!
जाहिरातीसाठी त्वरित संपर्क करा:
✉ tejmaharashtravarta007@gmail.com ➤

TEJ MAHARASHTRA VARTA - REPORTER JOINING

📰

रिपोर्टर जॉइनिंग

तेज महाराष्ट्र वार्ता टीममध्ये सहभागी व्हा

आमच्या टीममध्ये सामील व्हा!
आपल्या परिसरातील बातम्या, समस्या आणि घडामोडींना योग्य व्यासपीठ मिळवून देण्यासाठी तेज महाराष्ट्र वार्ता आपल्या शहर, तालुका आणि जिल्ह्यातील प्रतिनिधींचे स्वागत करते.