एस.के.एन. सिंहगड कॉलेज ऑफ इंजिनिअरिंग येथे एंजेल इन्व्हेस्टमेंट व व्हेंचर कॅपिटल फंडिंग संधींवर मार्गदर्शन सत्र संपन्न
पंढरपूर (प्रतिनिधी) :
सावित्रीबाई फुले शिक्षण प्रसारक मंडळ संचलित एस.के.एन. सिंहगड कॉलेज ऑफ इंजिनिअरिंग, कोर्टी (ता. पंढरपूर, जि. सोलापूर) येथील उद्योजकता विकास कक्ष व इन्स्टिट्यूशन इनोव्हेशन कौन्सिल यांच्या संयुक्त विद्यमाने “एंजेल इन्व्हेस्टमेंट व व्हेंचर कॅपिटल फंडिंग संधी” या विषयावर मार्गदर्शनपर सत्राचे आयोजन रोजी करण्यात आले.
या कार्यक्रमासाठी प्रमुख वक्ते म्हणून मा. श्री. नंदकुमार दुपडे (प्रेरणादायी वक्ते व माजी तज्ज्ञ, एमसीइडी) उपस्थित होते. त्यांनी विद्यार्थ्यांना स्टार्टअप संकल्पना, उद्योग उभारणीसाठी आवश्यक भांडवल, एंजेल गुंतवणूकदार व व्हेंचर कॅपिटल फंडिंग मिळविण्याच्या प्रक्रिया, तसेच व्यवसायातील संधी व आव्हाने याबाबत सविस्तर मार्गदर्शन केले. विद्यार्थ्यांनी विचारलेल्या प्रश्नांना त्यांनी समर्पक उत्तरे देत त्यांना उद्योजकतेकडे वाटचाल करण्यासाठी प्रेरित केले.
कार्यक्रमास महाविद्यालयाचे उपप्राचार्य व आयआयसी अध्यक्ष, डॉ. स्वानंद जी. कुलकर्णी यांच्या मार्गदर्शनाखाली प्रा. दत्तात्रय कोरके आयआयसी उपाध्यक्ष तसेच प्रा. महेश झाडे, प्रा. लक्ष्मीकांत जोशी व प्रा.प्रदीप व्यवहारे यांनी विशेष परिश्रम घेतले.
या सत्राला महाविद्यालयातील विद्यार्थी व प्राध्यापकांनी मोठ्या संख्येने उपस्थिती लावून उत्स्फूर्त प्रतिसाद दिला. कार्यक्रमामुळे विद्यार्थ्यांमध्ये उद्योजकता व नवोपक्रमाबाबत जागरूकता निर्माण झाली असून भविष्यात स्टार्टअप सुरू करण्यासाठी आवश्यक दिशा मिळाल्याचे मत व्यक्त करण्यात आले.
कार्यक्रमाचे सूत्रसंचालन व आभारप्रदर्शन श्रीया जोशी व रियान बागवान यांनी केले. महाविद्यालयाचे प्राचार्य डॉ. कैलाश करांडे यांनी हे मार्गदर्शन सत्र यशस्वीपणे पार पाडल्याबद्दल सर्वांचे कौतुक केले.
