पंढरपूर सिंहगड अभियांत्रिकी महाविद्यालयात "MOSFET आणि BJT इन पावर मॅनेजमेंट सर्किट" या विषयावर अभ्यासपूर्ण व्याख्यान
पंढरपूर (प्रतिनिधी):
कोर्टी (ता. पंढरपूर) येथील एस.के.एन. सिंहगड कॉलेज ऑफ इंजिनिअरिंगमध्ये इलेक्ट्रॉनिक्स अँड टेलिकम्युनिकेशन विभागाच्या द्वितीय वर्षातील विद्यार्थ्यांसाठी सोमवार, दिनांक 6 ऑक्टोबर 2025 रोजी " MOSFET आणि BJT इन पावर मॅनेजमेंट सर्किट " या विषयावर व्याख्यानाचे आयोजन करण्यात आले.
या व्याख्यानाचे आयोजन इटेलसा (ETELSA) या विद्यार्थी संघटनेच्या अंतर्गत करण्यात आले. यामध्ये डॉ. सोमनाथ एम. लंबे हे प्रमुख वक्ते म्हणून उपस्थित होते. विभागप्रमुख डॉ. अल्ताफ मुलाणी यांच्या हस्ते पुष्पगुच्छ देऊन अतिथींचे स्वागत करण्यात आले.
डॉ. लंबे यांनी आपल्या सखोल मार्गदर्शनात विद्युत उपकरणांमध्ये वीज कशी वापरायाची, वाचवायची व नियंत्रित करायची या दोन महत्वाच्या ट्रान्झिस्टर्सच्या कार्यपद्धती, त्यांचा पावर मॅनेजमेंट सर्किटमध्ये उपयोग, कार्यक्षमतेमधील फरक, तसेच त्यांच्या तांत्रिक आणि व्यावहारिक उपयोगांबाबत सविस्तर माहिती दिली.
विशेषतः, त्यांनी खालील मुद्द्यांवर भर दिला: MOSFET आणि BJT यामधील मूलभूत कार्यप्रणालीतील फरक काय आहे, पॉवर मॅनेजमेंटमध्ये योग्य ट्रान्झिस्टरची निवड का आणि कशी करावी, योग्य ट्रान्झिस्टरची निवड कशी करावी आणि ती ऊर्जा कार्यक्षमतेवर कशी प्रभाव टाकते, वास्तविक सर्किट डिझाईन आणि उदाहरणे आणि त्याचे अनुप्रयोग याविषयी सविस्तररित्या माहिती देण्यात आली.
हे व्याख्यान अत्यंत संवादात्मक आणि विद्यार्थ्यांच्या सहभागाने समृद्ध झाले. विद्यार्थ्यांनी विषयाशी निगडित प्रश्न विचारून अधिक स्पष्टता मिळवली.
कार्यक्रमाचे सुत्रसंचालन कु. अस्मिता चव्हाण हिने केले. प्रा. ए. एच. शिंदे, एस. आर. टाकळे, तसेच विभागातील इतर सर्व शिक्षक व शिक्षकेत्तर कर्मचारी यांनी कार्यक्रमाच्या यशस्वी आयोजनासाठी परिश्रम घेतले.
विभागप्रमुख डॉ. ए.ओ. मुलाणी यांच्या मार्गदर्शनाखाली झालेल्या या व्याख्यानामुळे विद्यार्थ्यांना पॉवर मॅनेजमेंट सर्किटमध्ये ट्रान्झिस्टर्सच्या तांत्रिक संकल्पना समजून घेण्यासाठी एक उत्कृष्ट व्यासपीठ लाभले.
पोस्ट्स
