स्वेरीच्या तीन विद्यार्थ्यांची ‘अदानी सिमेंटस्’ या बहुराष्ट्रीय कंपनीत निवड
मिळाले प्रत्येकी वार्षिक रु. ४.२५ लाखांचे पॅकेज
पंढरपूरः ‘अदानी सिमेंटस्’ या बहुराष्ट्रीय कंपनीने घेतलेल्या निवड प्रक्रियेतून गोपाळपूर (ता.पंढरपूर) येथील स्वेरीज् कॉलेज ऑफ इंजिनिअरिंगमधील इलेक्ट्रिकल इंजिनिअरिंग व एमबीए विभागातील तीन विद्यार्थ्यांची कॅम्पस ड्राईव्ह मधून निवड करण्यात आली आहे.’ अशी माहिती संस्थेचे संस्थापक व कॉलेज ऑफ इंजिनिअरिंग (ऑटोनॉमस) चे प्राचार्य डॉ.बी.पी. रोंगे यांनी दिली.
‘अदानी सिमेंटस्’या बहुराष्ट्रीय कंपनीच्या निवड समितीने निवड प्रक्रियेच्या अंतिम फेरीतून स्वेरीच्या धनराज साहेबराव घाडगे, प्रशांत हरिदास गायकवाड व सुमित भीमराव जाधव या तीन विद्यार्थ्याची निवड केली असून त्यांना प्रत्येकी वार्षिक रु. ४.२५ लाख इतके पॅकेज मिळाले आहे. अशा नामवंत कंपन्यांमध्ये स्वेरीचे विद्यार्थी दरवर्षी रुजू होत असतात, ही एक विशेष महत्वाची बाब आहे. स्वेरीज् कॉलेज ऑफ इंजिनिअरिंग (ऑटोनॉमस) मध्ये विविध राष्ट्रीय व आंतरराष्ट्रीय कंपन्या प्लेसमेंटसाठी येत असतात आणि कंपनीसाठी पात्र अशा विद्यार्थ्यांची निवड करत असतात. त्यामुळे विविध आंतरराष्ट्रीय कंपन्यांमध्ये येथील विद्यार्थी आपले उत्तम करिअर घडवीत आहेत. या विद्यार्थ्यांना स्वेरीमध्ये विविध प्रकारचे प्रशिक्षण दिले जाते. सदर विद्यार्थ्यांना ट्रेनिंग अँड प्लेसमेंट मधील व त्यांच्या विभागातील प्राध्यापकांचे मार्गदर्शन लाभले. संस्थेचे संस्थापक व कॉलेज ऑफ इंजिनिअरींगचे प्राचार्य डॉ.बी.पी. रोंगे, संस्थेचे अध्यक्ष अशोक भोसले, उपाध्यक्ष सुरेश राऊत, सचिव प्रा. सुरज रोंगे, संस्थेचे इतर पदाधिकारी व विश्वस्त, सर्व संचालक मंडळ, स्वेरी कॅम्पस इन्चार्ज डॉ. एम.एम. पवार, उपप्राचार्या डॉ. मिनाक्षी पवार, स्वेरी अंतर्गत असलेल्या इतर महाविद्यालयांचे प्राचार्य, अधिष्ठाता, विभागप्रमुख, प्राध्यापक वर्ग, शिक्षकेतर कर्मचारी, विद्यार्थी यांच्यासह पालकांनी कॅम्पस इंटरव्युवमधून ‘अदानी सिमेंटस्’ या कंपनीत निवड झालेल्या धनराज घाडगे, प्रशांत गायकवाड व सुमित जाधव यांचे अभिनंदन केले.
