*भावनिक क्षणांत रंगला सिंहगडमध्ये अंतिम वर्षाचा निरोप समारंभ*
एस के एन सिंहगड कॉलेज ऑफ इंजिनिअरिंग, पंढरपुर येथील सिव्हिल इंजिनिअरिंग विभाग व सिव्हिल इंजिनिअरिंग स्टुडंट असोसिएशन (सेसा) यांच्या सयुक्त विद्यामाने अंतिम वर्षांच्या विद्यार्थ्यांसाठी फेअरवेल २ के २६ या निरोप समारंभ कार्यक्रमाचे आयोजन करण्यात आले असल्याची माहिती महाविद्यालयाचे प्राचार्य डॉ. कैलाश करांडे यांनी दिली.
हा कार्यक्रम 04 एप्रिल 2026 रोजी सकाळी 9.30 ते दुपारी 1.00 पर्यंत सिव्हिल इंजिनिअरिंग सेमिनार हॉलमध्ये पार पडला. कार्यक्रमाचे प्रमुख उद्दिष्ट अंतिम वर्षातील विद्यार्थ्यांना त्यांचे चार वर्षाच्या महाविद्यालयीन प्रवासासाठी शुभेच्छा देणे व त्यांच्या आठवणी उजाळा देणे हा होता.
कार्यक्रमाचे समन्वयक प्रा. शेखर पाटील यांनी कार्यक्रमाचे आयोजन केले. यावेळी महाविद्यालयाचे प्राचार्य डॉ. कैलाश करांडे, उपप्राचार्य डॉ. स्वानंद कुलकर्णी आणि डिन डॉ. चेतन पिसे व सिव्हिल इंजिनिअर विभागाचे विभाग प्रमुख डॉ. यशवंत पवार यांनी उपस्थित विद्यार्थ्यांना मार्गदर्शन करत त्यांचे उज्वल भविष्यसाठी शुभेच्छा दिल्या.
कार्यक्रमात अंतिम वर्षाच्या विद्यार्थ्यांनी आपल्या आठवणींना उजाळा देत मनोगत व्यक्त केले. विविध सांस्कृतिक कार्यक्रम, गीत संगीत आणि मैत्रीच्या गप्पांनी संपूर्ण वातावरण आनंददायी झाले होते. फेअरवेल २ के २६ हा कार्यक्रम विद्यार्थ्यांच्या मनामध्ये कायमस्वरूपी ठसा उमटवणारा ठरला. तसेच या कार्यक्रमाच्या अनुषंगाने विभागातील अंतिम वर्षातील उत्कृष्ट विद्यार्थी म्हणून सुजल कवडे यांना गौरविण्यात आले. कार्यक्रमाचे यशस्वी आयोजन आणि व्यवस्थापनाबद्दल उपस्थित मान्यवरांनी आयोजकाचे कौतुक केले.
