स्वेरीच्या विद्यार्थ्यांचे ‘विचार-२५’ या स्पर्धेमध्ये यश
स्वेरीत संशोधन विभागाला मिळतेय गती

पंढरपूर- सोलापूर येथील वालचंद इन्स्टिट्यूट ऑफ टेक्नॉलॉजी (डब्ल्युआयटी) मध्ये दि. २८ फेब्रुवारी व दि. ०१ मार्च २०२५ रोजी झालेल्या ‘विचार-२५’ या राष्ट्रीय दर्जाच्या तांत्रिक परिसंवाद स्पर्धेत स्वेरीच्या दोन विद्यार्थ्यांना उत्तुंग यश मिळाले आहे. सदर स्पर्धेमध्ये आपल्या प्रोजेक्टचे सादरीकरण करून या विद्यार्थ्यांनी यश संपादन केले. स्वेरीमध्ये शिक्षणाबरोबरच संशोधनावर देखील अधिक भर दिला जात असून विद्यार्थीही संशोधनामध्ये रस घेऊन यश संपादन करत आहेत. नवनवीन प्रकल्प निर्मितीकडे स्वेरीतील विद्यार्थ्यांचा कल असल्याचे दिसून येत आहे. आता या पुरस्काराने स्वेरीतील संशोधन विभागाला आणखी गती मिळाली आहे, हे मात्र नक्की ! 

          ‘विचार २५’ या तांत्रिक परिसंवाद स्पर्धेमध्ये गोपाळपूर (ता. पंढरपूर) येथील स्वेरी संचलित कॉलेज ऑफ इंजिनिअरिंगच्या मेकॅनिकल इंजिनिअरिंग विभागात अंतिम वर्षात शिक्षण घेणारे श्रीराम गणेश घोलप व तृतीय वर्षात शिक्षण घेणारे चैतन्य लक्ष्मण सोनवणे यांनी ऑटो डेस्क कंपनी प्रायोजक असलेल्या ‘डिझाईन चॅलेंज’ या इव्हेंट मध्ये दुसरा क्रमांक मिळविला. या स्पर्धेत दोघांनी मिळून अॅडव्हान्स वॉकर वुईथ स्टेअर क्लाइंबिंग व्हील चिअर याचे डीझाईन बनविले. यासाठी त्यांनी फ्युजन ३६० हे सॉफ्टवेअर वापरले. याद्वारे वृद्धांना पायऱ्या चढण्यास व खुर्ची म्हणून मदत मिळणार आहे. यामध्ये नवीन तंत्रज्ञानाचा वापर केला आहे. या प्रकल्पाला दुसऱ्या क्रमांकाचे पारितोषिक मिळाले आहे. श्रीराम घोलप व चैतन्य सोनवणे यांना रोख रू. ७ हजार, स्मृतिचिन्ह व प्रमाणपत्र देऊन तेथील मान्यवरांच्या हस्ते सन्मानित करण्यात आले. दोन्ही विद्यार्थ्यांना संस्थेचे संस्थापक सचिव व कॉलेज ऑफ इंजिनिअरींगचे प्राचार्य डॉ.बी. पी. रोंगे, संशोधन अधिष्ठाना डॉ.ए. पी. केने, विभागप्रमुख डॉ. एस. बी. भोसले, प्रा. पी. बी.आसबे, प्रा. डी.टी.काशिद, डॉ. एन.यु. कौटकर तसेच विभागातील इतर शिक्षकांचे मार्गदर्शन लाभले. द्वितीय क्रमांक मिळाल्यामुळे श्रीराम घोलप व चैतन्य सोनवणे यांचा संस्थेच्या वतीने संस्थापक सचिव व कॉलेज ऑफ इंजिनिअरींगचे प्राचार्य डॉ.बी. पी. रोंगे यांच्या हस्ते इतर प्राध्यापकांच्या उपस्थितीत सत्कार करण्यात आला. तांत्रिक परिसंवाद स्पर्धेत द्वितीय क्रमांक मिळाल्यामुळे संस्थेचे अध्यक्ष दादासाहेब रोंगे, उपाध्यक्ष हनीफ शेख तसेच संस्थेचे विश्वस्त व पदाधिकारी, स्वेरी कॅम्पस इन्चार्ज डॉ. एम.एम.पवार, उपप्राचार्या डॉ. मिनाक्षी पवार, स्वेरी अंतर्गत असलेल्या इतर महाविद्यालयांचे प्राचार्य, अधिष्ठाता, विभागप्रमुख, प्राध्यापक वर्ग, शिक्षकेतर कर्मचारी, विद्यार्थी व पालकांनी श्रीराम घोलप व चैतन्य सोनवणे यांचे अभिनंदन केले.