विद्युत अभियांत्रिकी विभाग, एस. के. एन. सिंहगड कॉलेज ऑफ इंजिनिअरिंग, कोर्टी-पंढरपूर यांनी आय. ई. ई. ई. स्टुडंट ब्रँचच्या सहकार्याने “ईप्लॅन” या विषयावरील एक आठवड्याच्या मूल्यवर्धित प्रशिक्षण कार्यक्रमाचे यशस्वी आयोजन
विद्युत अभियांत्रिकी विभाग, एस. के. एन. सिंहगड कॉलेज ऑफ इंजिनिअरिंग, कोर्टी-पंढरपूर यांनी आय. ई. ई. ई. स्टुडंट ब्रँचच्या सहकार्याने अंतिम वर्ष विद्युत अभियांत्रिकी विद्यार्थ्यांसाठी “ईप्लॅन” या विषयावरील एक आठवड्याचा मूल्यवर्धित प्रशिक्षण कार्यक्रम दिनांक २८ जुलै २०२६ ते १ ऑगस्ट २०२६ या कालावधीत विद्युत अभियांत्रिकी विभागामध्ये यशस्वीरीत्या आयोजित करण्यात आला.
या कार्यक्रमाचे आयोजन प्राचार्य डॉ. के. जे. करांडे आणि उपप्राचार्य डॉ. एस. जी. कुलकर्णी यांच्या मार्गदर्शनाखाली करण्यात आले. सदर प्रशिक्षण महाटेक्झ डिझाईन सोल्युशन्स, पंढरपूर येथील तज्ज्ञांनी दिले. त्यांनी ईप्लॅन इलेक्ट्रीक पि ८ या आघाडीच्या सॉफ्टवेअरच्या साहाय्याने इलेक्ट्रिकल स्केमॅटिक डिझाईन, कंट्रोल पॅनेल डिझाईन, वायरिंग डायग्राम, पीएलसी इनपुट/आउटपुट डॉक्युमेंटेशन, केबल शेड्युल, टर्मिनल प्लॅन आणि औद्योगिक अभियांत्रिकी दस्तऐवजीकरण याविषयी सविस्तर मार्गदर्शन केले.
या प्रशिक्षणाचा मुख्य उद्देश विद्यार्थ्यांमध्ये उद्योगाभिमुख इलेक्ट्रिकल डिझाईन कौशल्ये विकसित करणे आणि व्यावसायिक अभियांत्रिकी दस्तऐवजीकरणाची ओळख करून देणे हा होता. प्रत्यक्ष सरावावर आधारित प्रशिक्षणाद्वारे विद्यार्थ्यांनी औद्योगिक दर्जाचे इलेक्ट्रिकल डिझाईन, कंट्रोल पॅनेल डिझाईन, प्रकल्प अहवाल तयार करणे तसेच प्रमाणित अभियांत्रिकी दस्तऐवजीकरणाची प्रक्रिया आत्मसात केली. या प्रशिक्षणामुळे विद्यार्थ्यांच्या सॉफ्टवेअर कौशल्यांमध्ये वाढ होऊन त्यांची औद्योगिक क्षेत्रातील रोजगारक्षमतेत भर पडली.
कार्यक्रमास विद्युत अभियांत्रिकी विभाग प्रमुख, आय. ई. ई. ई. वरिष्ठ सदस्य व आय. ई. ई. ई. स्टुडंट ब्रँच समुपदेशक डॉ. के. शिवशंकर उपस्थित होते. त्यांनी विद्यार्थ्यांना आधुनिक अभियांत्रिकी सॉफ्टवेअरचे ज्ञान आत्मसात करून उद्योगातील वाढत्या संधींचा लाभ घेण्याचे आवाहन केले.
या मूल्यवर्धित प्रशिक्षण कार्यक्रमाचे समन्वयक श्री. डी. एम. कोरके, सौ. एस. डी. घोडके, श्री. ए. एन. गोडसे आणि श्री. एम. आर. खडतरे यांनी कार्यक्रमाचे उत्कृष्ट नियोजन करून यशस्वी अंमलबजावणी सुनिश्चित केली.
पोस्ट्स
