सिंहगड अभियांत्रिकी महाविद्यालयात इस्रो मार्फत ऑनलाइन कार्यशाळा संपन्न*

 *सिंहगड अभियांत्रिकी महाविद्यालयात इस्रो मार्फत ऑनलाइन कार्यशाळा संपन्न*

सावित्रीबाई फुले शिक्षण प्रसारक मंडळ संचलित एस के एन सिंहगड कॉलेज ऑफ इंजिनिअरिंग, कोर्टी, पंढरपूर येथे भारतीय अंतराळ संशोधन संस्था (इस्रो), इंडियन इन्स्टिट्यूट ऑफ रिमोट सेन्सिंग (आय आय आर एस), डेहराडून यांच्या संयुक्त विद्यमाने 1054 व्या आउटरीच कार्यक्रमांतर्गत “ अर्थ ऑब्झर्वेशन्स अँड न्यूमरिकल मॉडेल एप्लीकेशन फॉर ट्रॉपकल सायकल मॉनिटरिंग अँड फोरकास्टिंग ” या विषयावरील ऑनलाइन कार्यशाळेचे आयोजन करण्यात आले. दिनांक 30 जुलै 2026 रोजी या कार्यशाळेचे ऑनलाईन पद्धतीने आयोजित करण्यात आले होते. ही कार्यशाळा द्वितीय वर्ष स्थापत्य अभियांत्रिकी विद्यार्थ्यांसाठी आयोजित करण्यात आली होती.

या कार्यशाळेमध्ये पृथ्वी निरीक्षण (अर्थ ऑब्झर्वेशन) तंत्रज्ञान, उपग्रहाद्वारे प्राप्त होणाऱ्या माहितीचा उपयोग, उष्णकटिबंधीय चक्रीवादळांचे निरीक्षण, संख्यात्मक (न्यूमरिकल) मॉडेलच्या साहाय्याने चक्रीवादळाचा अंदाज, डेटा विश्लेषण व व्हिज्युअलायझेशन तंत्र तसेच विषयतज्ज्ञांचे मार्गदर्शन व प्रात्यक्षिक याबाबत सविस्तर माहिती देण्यात आली.

या उपक्रमासाठी महाविद्यालयाचे प्राचार्य डॉ. कैलाश करांडे, उपप्राचार्य डॉ. स्वानंद कुलकर्णी तसेच स्थापत्य अभियांत्रिकी विभागप्रमुख डॉ. यशवंत पवार यांचे मार्गदर्शन लाभले. कार्यक्रमाचे समन्वयक व नोडल सेंटर समन्वयक प्रा. मिलिंद तोंडसे यांनी कार्यक्रमाचे नियोजन व समन्वयन केले.

या कार्यशाळेमुळे विद्यार्थ्यांना उपग्रह तंत्रज्ञान, रिमोट सेन्सिंग, हवामान निरीक्षण व नैसर्गिक आपत्ती व्यवस्थापन यांसारख्या आधुनिक तंत्रज्ञानाची माहिती मिळाल्याने त्यांचा शैक्षणिक व संशोधनात्मक दृष्टिकोन अधिक व्यापक होण्यास मदत झाली.