कोर्टी (प्रतिनिधी):
येथील ‘फाटे ट्रॅक्टर्स’ मध्ये छत्रपती शिवाजी महाराज यांचा राज्याभिषेक दिन (शिवराज्याभिषेक सोहळा) अत्यंत उत्साहात आणि भक्तीमय वातावरणात साजरा करण्यात आला. याप्रसंगी शिवरायांच्या प्रतिमेचे पूजन करून त्यांच्या दैदिप्यमान इतिहासाला उजाळा देण्यात आला.
या सोहळ्याला राष्ट्रवादी काँग्रेस पार्टी (शरदचंद्र पवार) उद्योग व व्यापार विभागाचे श्री. नागेश फाटे प्रामुख्याने उपस्थित होते. त्यांच्यासोबतच निवृत्ती भटकर, संतोष पुणेकर, ओंकार कथले, बेबन आदमीले, समाधान बागल, लखन मोरे, निलेश घोडके, वैभव तारळेकर, ऋषिकेश बागल आदी मान्यवर उपस्थित होते.
यावेळी बोलताना श्री. नागेश फाटे म्हणाले की, "छत्रपती शिवाजी महाराजांचा राज्याभिषेक हा अठरापगड जातीच्या जनतेला हक्काचे स्वराज्य मिळवून देणारा सुवर्णक्षण होता. त्यांचा पराक्रम, व्यवस्थापन आणि दूरदृष्टी आजही प्रत्येक उद्योजक आणि नागरिकासाठी प्रेरणादायी आहे."
कार्यक्रमाला परिसरातील नागरिक, शिवप्रेमी आणि फाटे ट्रॅक्टर्सचे कर्मचारी मोठ्या संख्येने उपस्थित होते. शेवटी उपस्थितांचे आभार मानून कार्यक्रमाची सांगता करण्यात आली.
पोस्ट्स
