*पंढरपूर सिंहगडच्या इलेक्ट्रॉनिक्स अँड टेलिकम्युनिकेशन इंजिनिअरिंग विभागात पालक मेळावा व विद्यार्थ्यांचा गुणगौरव उत्साहात संपन्न*
पंढरपूर : प्रतिनिधी
कोर्टी (ता. पंढरपूर) येथील एस. के. एन. सिंहगड कॉलेज ऑफ इंजिनिअरिंग, पंढरपूर येथील इलेक्ट्रॉनिक्स अँड टेलिकम्युनिकेशन इंजिनिअरिंग विभागात शनिवार, दि. 6 सप्टेंबर 2025 रोजी पालक मेळाव्याचे आयोजन करण्यात आले होते. हा मेळावा मोठ्या उत्साहात पार पडल्याची माहिती कॉलेजचे प्राचार्य डॉ. कैलाश करांडे यांनी दिली.
या मेळाव्याचे उद्घाटन प्राचार्य डॉ. के. जे. करांडे, उपप्राचार्य डॉ. एस. जी. कुलकर्णी, विभागप्रमुख डॉ. अल्ताफ मुलाणी, ट्रेनिंग अँड प्लेसमेंट ऑफिसर डॉ. समीर कटेकर, प्रा. अंजली पिसे तसेच पालक प्रतिनिधी श्री. विलास बिले यांच्या हस्ते सरस्वती पूजन व दीपप्रज्वलन करून करण्यात आले. या प्रसंगी श्री. विलास बिले यांचा सत्कार डॉ. समीर कटेकर यांच्या हस्ते पुष्पगुच्छ देऊन करण्यात आला.
मेळाव्यात डॉ. अल्ताफ मुलाणी व डॉ. समीर कटेकर यांनी विभागातील शैक्षणिक प्रगती व प्रशिक्षण-नियोजन विभागाविषयी सविस्तर माहिती दिली. यावेळी पालक प्रतिनिधींसह इतर पालकांनी आपली मनोगते व्यक्त केली. तसेच विद्यार्थ्यांच्या सर्वांगीण विकासासाठी होत असलेल्या प्रयत्नांबद्दल त्यांनी संस्थेचे आभार मानले.
कार्यक्रमात यशस्वी विद्यार्थ्यांचा गुलाब व सन्मानपत्र देऊन गौरव करण्यात आला.
मेळावा यशस्वी करण्यासाठी प्रा. अनिता शिंदे, प्रा. अविनाश हराळे, प्रा. अंजली पिसे, प्रा. स्वप्निल टाकले यांच्यासह सर्व शिक्षकवृंद व शिक्षकेत्तर कर्मचारी यांनी परिश्रम घेतले. कार्यक्रमाचे सूत्रसंचालन विद्यार्थिनी कु. सानिका बाबर व कु. शितल चव्हाण यांनी केले तर आभार प्रदर्शन प्रा. अनिता शिंदे यांनी केले.
