एस.के.एन. सिंहगड कॉलेज ऑफ इंजिनीअरिंगमध्ये ‘क्विझ मास्टर 2k25’ स्पर्धा उत्साहात संपन्न*

 *एस.के.एन. सिंहगड कॉलेज ऑफ इंजिनीअरिंगमध्ये ‘क्विझ मास्टर 2k25’ स्पर्धा उत्साहात संपन्न* 

पंढरपूर : एस.के.एन. सिंहगड कॉलेज ऑफ इंजिनीअरिंग, पंढरपूर येथील इलेक्ट्रॉनिक्स अँड टेलिकम्युनिकेशन अभियांत्रिकी विभागात शिक्षक दिनानिमित्त दिनांक ५ सप्टेंबर २०२५ रोजी “क्विझ मास्टर 2k25” या भव्य क्विझ स्पर्धेचे आयोजन करण्यात आले. या स्पर्धेत महाविद्यालयातील विविध वर्षातील एकूण १०० विद्यार्थ्यांनी उत्साहाने सहभाग घेतला. स्पर्धा चार टप्प्यांत पार पडली. पहिल्या टप्प्यात लेखी चाचणी, दुसऱ्या टप्प्यात जलद प्रश्नोत्तरे, तिसऱ्या टप्प्यात तांत्रिक ज्ञान व सामान्य ज्ञान मिश्र फेरी, तर अंतिम फेरीत टीमवर्क व लॉजिकल थिंकिंग या कौशल्यांची चाचणी घेण्यात आली. प्रत्येक टप्प्यात विद्यार्थ्यांनी दाखवलेले कौशल्य, त्वरित उत्तर देण्याची क्षमता आणि संघभावना विशेष कौतुकास्पद ठरली. स्पर्धेदरम्यान विद्यार्थ्यांच्या बुद्धिमत्ता आणि जलद प्रतिसाद कौशल्यामुळे प्रेक्षकांमध्येही उत्सुकता व रोमांचक वातावरण निर्माण झाले. प्रेक्षकांनाही काही प्रश्न विचारून सहभागी करण्यात आले, ज्यामुळे कार्यक्रम अधिक रंगतदार झाला. या उपक्रमाचे आयोजन विभागप्रमुख डॉ. ए. ओ. मुलाणी यांच्या मार्गदर्शनाखाली करण्यात आले. महाविद्यालयाचे उपप्राचार्य डॉ. एस. जी. कुलकर्णी आणि प्राचार्य डॉ. के. जे. करांडे यांचे विशेष सहकार्य लाभले. त्यांच्या उपस्थितीमुळे विद्यार्थ्यांचा उत्साह अधिकच द्विगुणित झाला. शिक्षक दिनाच्या औचित्याने झालेली ही स्पर्धा विद्यार्थ्यांच्या ज्ञानवृद्धीसोबतच सर्जनशीलता, जलद विचारशक्ती आणि टीमवर्क विकसित करण्यासाठी उपयुक्त ठरली. संपूर्ण कार्यक्रम विद्यार्थ्यांच्या उत्स्फूर्त सहभागामुळे आणि शिक्षकांच्या सक्रिय सहकार्यामुळे यशस्वीरीत्या पार पडला.