कर्मयोगी विद्यानिकेतनमध्ये स्वातंत्र्य दिन उत्साहात साजरा; साहसी नृत्ये आणि 'हर घर तिरंगा' रॅलीने वेधले लक्ष
पंढरपूर:
श्री पांडुरंग प्रतिष्ठान संचलित कर्मयोगी विद्यानिकेतन प्रशाला पंढरपूर येथे १५ ऑगस्ट २०२६ रोजी स्वातंत्र्य दिन अत्यंत उत्साहात आणि देशभक्तीमय वातावरणात साजरा करण्यात आला. याप्रसंगी प्रमुख पाहुणे म्हणून डॉ. ऋजुता उत्पात व नारायण उत्पात उपस्थित होते.ध्वजारोहणानंतर विद्यार्थ्यांनी सादर केलेले विविध सांस्कृतिक व क्रीडा उपक्रम उपस्थितांची दाद मिळवून गेले. याप्रसंगी विद्यार्थ्यांनी
सांस्कृतिक व साहसी सादरीकरण केले. तसेच विद्यार्थ्यांनी विविध देशभक्तीपर गीतांवर प्रभावी नृत्ये सादर केली. तसेच, शारीरिक कौशल्ये आणि चपळाईचे दर्शन घडवणारे साहसी क्रीडा प्रकारांचे सादरीकरण करून उपस्थितांची मने जिंकली.
'हर घर तिरंगा' रॅली: प्रजासत्ताक दिनाचे औचित्य साधून प्रशालेतर्फे भव्य 'हर घर तिरंगा' रॅली काढण्यात आली. हातात तिरंगा घेतलेल्या विद्यार्थ्यांच्या घोषणांनी परिसर दुमदुमून गेला होता.
यावेळी प्रशालेच्या प्राचार्या प्रियदर्शिनी सरदेसाई, संस्थेचे रजिस्ट्रार गणेश वाळके, तुकाराम राऊत आदी उपस्थित होते.
