पंढरपूर सिंहगडच्या विद्यार्थ्यांची पवन ऊर्जा प्रकल्पस व ६२० व्होल्ट / ३३किलो व्होल्ट जनरेटिंग सबस्टेशनला भेट*

 *पंढरपूर सिंहगडच्या विद्यार्थ्यांची पवन ऊर्जा प्रकल्पस व ६२० व्होल्ट / ३३किलो व्होल्ट जनरेटिंग सबस्टेशनला भेट*

पंढरपूर: प्रतिनिधी 

कोर्टी (ता.पंढरपूर) येथील एस के एन सिंहगड कॉलेज ऑफ इंजिनिअरिंग महाविद्यालयातील विद्युत अभियांत्रिकीमधील दुसऱ्या वर्षातील विभागात शिक्षण घेत असलेल्या विद्यार्थ्यांची 6 मेगा वॅट एनएसएल रिन्यूएबल पॉवर प्रायव्हेट लिमिटेड,आणि ६२० व्ही/३३ केव्ही जनरेटिंग सबस्टेशन, पोस्ट. विराली, ता. माण जिल्हा. सातारा येथे बुधवार दिनांक १७ सप्टेंबर २०२५ रोजी भेट देऊन ऊर्जा प्रकल्प आणि सबस्टेशनची माहिती जाणून घेतली असल्याची माहिती महाविद्यालयाचे प्राचार्य डॉ. कैलाश करांडे यांनी दिली.

   या भेटीमध्ये सिंहगड महाविद्यालयातील विद्यार्थ्यांना पवन ऊर्जा प्रकल्पाची स्थापना, मुख्य घटक आणि कामकाजाची माहिती मिळवली. तसेच ६२० व्ही / ३३ केव्ही सबस्टेशनची निर्मिती आणि सबस्टेशनचे काम, वेगवेगळ्या विद्युत उपकरणांचा प्रोटेक्शनसाठी वापर, विद्युत सेवा वेगवेगळ्या क्षेत्रात कशी विभागणी करून पोहचवली जाते व बॅटरी स्टोरेज सिस्टीम माहिती तसेच विविध इन्स्टॉलेशन विषयी अत्यंत महत्त्वाची माहिती विद्यार्थ्यांना देण्यात आली. यासाठी एनएसएल रिन्यूएबल पॉवर प्रायव्हेट लिमिटेडचे ए.जी.एम. श्री. डी. के. कदम, सहाय्यक अभियंता श्री. मोहन सूर्यवंशी, सहाय्यक अभियंता श्री. आनंद वाघमोडे यांनी पवन ऊर्जा प्रकल्पाची स्थापना आणि कामकाजाचे तपशीलवार वर्णन केले. तसेच ६२० व्ही / ३३ केव्ही सबस्टेशनचे कार्य आणि नियंत्रण तपशीलवार वर्णन केले. 

याशिवाय सहाय्यक महाव्यवस्थापक श्री. डी.के. कदम साहेब यांनी उपस्थित विद्यार्थ्यांना महत्व पूर्ण माहिती दिली.

      हा कार्यक्रम यशस्वी होण्यासाठी महाविद्यालयातील विद्युत विभाग प्रमुख के. शिवशंकर ,आय व्ही समन्वयक प्रा. एन. व्ही. खांडेकर , प्रा. के. पी. जाधव प्रा. सोनाली घोडके आदींसह महाविद्यालयातील सर्व शिक्षक व शिक्षेकेतर कर्मचाऱ्यांनी परिश्रम घेतले.